Почитувани студенти,

со цел унапредување на наставата и зголемување на нејзиниот квалитет, на ниво на УКИМ е направен потполно нов систем за анонимни студентски анкети. Системот е достапен на следниот линк: https://anketi.ukim.mk/ . За најава треба да се користи корисничкото име и лозинката од iKnow.

Анкетите за сите студенти се задолжителни, но анонимни. Од системот iKnow се преземаат информации за запишаните предмети и соодветните наставници (треба да изберете професор и асистент кај кој сте го слушале предметот и за нив да ја пополните анкетата), а потоа се забележува само информација дека тој студент ја пополнил анкетата, но не и кои одговори ги поставил.

Прашањата во анкетите се стандардизирани на ниво на УКИМ, како дел од процедурата за самоевалуација.

Доколку имате проблем при најава на системот, треба да ја смените лозинката на iKnow која задолжително се менува на секои 30 дена и повторно да се најавите на системот за анкети https://anketi.ukim.mk/ . 

Ве повикуваме во периодот до 30.12.2024 година задолжително да ги пополните анкетите за предметите кои сте ги слушале. Пополнетите анкети ќе бидат услов за заверка на зимскиот семестар и упис на летен семестар.

Ве молиме за реално оценување, како и за што поконструктивни и реални коментари, се со цел да се подобри квалитетот на наставата.

Ви благодариме за соработката.