Почитувани,

Собранието на Република Северна Македонија, во рамките на иницијативата „Отворено Собрание – Поблиску до Младите”, го организира Карaванот на Собранието: Отворено за идеите на младите!

Во рамките на оваа иницијатива, настанот ќе се одржи на:

📅 Датум: 05 јуни 2025 година

🕚 Почеток: 11:00 часот

📍 Место: Аула на Правниот факултет, Универзитет „Св. Кирил и Методиј” – Скопје

Карaванот на Собранието претставува уникатна можност за студентите и младите граѓани да се запознаат со работата на парламентот, да ги изразат своите идеи и да учествуваат во отворен дијалог со претставниците на законодавната власт.

Настанот е организиран и поддржан од Собранието на Република Северна Македонија, Швајцарската агенција за развој и соработка (SDC), Националниот демократски институт (NDI), IDSCS и Центарот за управување со промени.