📢Факултетот за физичко образование, спорт и здравје при Универзитетот „Св. Кирил и Методиј“ во Скопје денес испиша уште една значајна страница во својата историја. Во атмосфера на единство, визија и заедничка определба за понатамошен развој, Наставно-научниот совет едногласно, со поддршка од сите професори, повторно му ја довери честа и одговорноста на Проф.Д-р Влатко Неделковски да го предводи Факултетот и во наредниот мандат.

👉Оваа едногласна одлука не претставува само избор на декан, туку и силна потврда за довербата во лидерството, визијата и резултатите што Проф.Д-р Неделковски ги постигна во изминатиот период. Под негово раководство, Факултетот бележи континуиран академски, научен и институционален напредок, зацврстувајќи ја својата позиција како една од најреномираните високообразовни институции во областа на спортот, физичкото образование и здравјето.

👉Новиот мандат претставува почеток на ново развојно поглавје, во кое се предвидени бројни научноистражувачки, меѓународни и капитални проекти, модернизација на наставниот процес, унапредување на инфраструктурата, проширување на соработката со врвни европски и светски универзитети, како и создавање современи услови за студентите, наставниот кадар и идните генерации спортски професионалци.

👉Единството што денес го покажаа професорите и Наставно-научниот совет е доказ дека Факултетот има јасна визија, стабилно раководство и заедничка определба за континуиран развој и извонредност.

👉Изборот на Проф.Д-р Влатко Неделковски со едногласна поддршка е признание за досегашната работа, но и силен поттик за уште поголеми достигнувања. Со нова енергија, јасна стратегија и силна поддршка од академската заедница, Факултетот продолжува да чекори напред кон нови научни успеси, меѓународни признанија и реализација на капитални проекти кои ќе остават траен белег во развојот на високото образование, спортот и науката во државата.